Բիզնես մարտահրավեր
«Տելեկոմ Արմենիա»-ն առաջնային դիրքում է թվային տեխնոլոգիաների և սկսնակ էկոհամակարգերի աջակցման ու խրախուսման հարցում։ Հայաստանում թվային համայնքի աճը խրախուսելու, հաճախորդի կարիքները բավարարելու և առաջատար լինելու նպատակով՝ ընկերությունը շարունակաբար փնտրում է աշխատակիցների ուսուցման ու կատարելագործման արդիական և նորարարական ճանապարհներ։
Տեխնոլոգիական լուծումների և այդ նորարարություններին աջակցող մասնագետների աճող պահանջարկը բավարարելու նպատակով՝ «Տելեկոմ Արմենիա»-ն կարիք ուներ թարմացնելու ուսուցման մշակույթը առավել ճկուն լուծումներով՝ աշխատակիցներին հնարավորություն տալով ստանալ անհրաժեշտ գիտելիքներ ցանկացած պահի, ցանկացած վայրում։
Ընկերության առաջնային մարտահրավերներից էր կառուցել ուսումնական միջավայր՝ հիմնական շեշտը դնելով ՏՏ, տեխնոլոգիական և առաջնորդության հմտությունների զարգացման վրա։ Ընդ որում՝ կարևոր էր աշխատակիցներին տալ ազատություն սեփական նպատակները սահմանելու ու դրանց հասնելու ճանապարհը գծելու հարցում։
Ինչպես օգնեց «Skillsoft»-ը
«Տելեկոմ Արմենիա»-ն ներդրեց «Skillsoft» կրթական հարթակը՝ աշխատակիցներին տրամադրելով հասանելիություն կրթական ողջ նյութերին։ Իր հերթին, «Skillsoft»-ն ընկերության պահանջներին ու աշխատակիցների կարիքներին համապատասխան տարանջատեց հատուկ ուղղություններ։
«Skillsoft»-ի մուլտիմոդալ լուծումների կիրառումը նշանակալի արդյունքներ գրանցեց ընկերության աշխատանքային հոսքում՝ թիրախավորելով ներքին ու արտաքին հաղորդակցության գործառնությունները։ Վերապատրաստման դասընթացների ավարտից հետո «Տելեկոմ Արմենիա»-ն հայտնեց վերապատրաստման ծախսերի նվազման դրական դինամիկայի և արդյունավետության բարձրացման մասին։
Հարթակի հնարավորություններն օգտագործվեցին աշխատակիցների մասնագիտական առաջընթացին ու որակավորմանը հետևելու և ձեռք բերված գիտելիքները բիզնես առաջադրանքներում կիրառելու նպատակով։
