Մարդկային ռեսուրսը, անկասկած, կարելի է համարել ամենաարժեքավոր կապիտալներից մեկը, որն իր հստակ և կարևոր դերն ունի կազմակերպության զարգացման գործում։ ՄՌԿ-ի գլխավոր գործառույթն է գտնել համապատասխան մասնագետների և ստեղծել այնպիսի թիմ և միջավայր, որը կնպաստի արդյունավետ համագործակցության և արժեքի ստեղծման:
Ներկայումս ՄՌԿ մասնագետների շրջանում լայնորեն կիրառվում է թեստային դիագնոստիկայի համակարգը, որը, սակայն, ժամանակի ընթացքում կորցրել է իր վալիդությունը․ մարդիկ սովորել են թեստերին և սկսել են կեղծել պատասխանները՝ ներկայացնելով ցանկալին որպես իրականություն։
Թվայնացման դարում տեղին է ավանդական թեստերը փոխարինել ինտերակտիվ դիագնոստիկայի նորարարական լուծումներով։ Հիմնվելով միջազգային փորձի վրա՝ կարելի է առանձնացնել առավել արդյունավետ և հետաքրքիր ստրատեգիաներ, որոնք կարող են կիրառվել պրոֆայլինգի կամ դինամիկ փսիխոգրաֆիկայի իմացությամբ ՄՌԿ մասնագետների կողմից։
![](https://static.tildacdn.com/tild6262-6431-4462-b135-336535666665/Artboard_1.jpg)
1․ Գեյմիֆիկացված թեստեր
![](https://static.tildacdn.com/tild3062-6239-4532-b430-636439363338/Alvarium_Hr_2.jpg)
Ոչ թեստային դիագնոստիկայի այս տարբերակը թույլ է տալիս խաղերի միջոցով գնահատել թեկնածուներին։ Օրինակ՝ ստրատեգիական և տրամաբանական խաղեր, որտեղ թեկնածուն կիրառում է նույն ստրատեգիաները, ինչ կյանքում։ Գեյմիֆիկացված թեստերը ՄՌԿ մասնագետին թույլ կտան վերլուծել ու գնահատել թեկնածուի թե՛ մասնագիտական կարողությունները, թե՛ վարքագծի դրսևորումները։ Նման թեստերից են՝
- Arctic Shores
- Pymetrics
- Owiwi
- AiHire
- Revelian
- Knack
- Persona Labs
- Journey.HR
- Lensa
- Good&Co
2. Վերլուծություն սոցիալական ցանցերի միջոցով
![](https://static.tildacdn.com/tild6331-3637-4364-a439-623334636262/Alvarium_Hr_3.jpg)
Ժամանակակից մարդու կյանքում հսկայական դեր ունեն սոցիալական ցանցերը՝ Facebook, Instagram, Twitter և այլն։ Իրական կյանքի ցանկացած իրադարձություն պրոյեկտելով սոցիալական ցանցերում՝ մարդը ստեղծում է վիրտուալ կյանք, կամ այլ կերպ ասած՝ կերտում վիրտուալ ինքնություն։ Սոցիալական ցանցերի հիման վրա կատարված վերլուծությունը պրոֆայլինգում ամենահաճախ կիրառվող գործիքներից է։ Այն թույլ է տալիս միաժամանակ վերլուծել մի քանի տարբեր սոցիալական ցանցերում հրապարակված գրառումները և նկարները, դուրս բերել գրառումներում հաճախ օգտագործված բառերն ու նախադասությունները և տալ ամբողջական ինֆորմացիա։ Նման գործիքներից առավել արդյունավետներն են՝
- Searchinform*
- The Social Index
- CrystalKnown
* Searchinform հարթակը վերլուծում է ընկերության ներսում աշխատակիցների միջև փոխհարաբերությունները, ուժեղ և թույլ կողմերը, ում կարելի է վստահել և ում հանդեպ պետք է ուշադիր լինել: Այդ ամենը արվում է ընկերության ներսում շրջանառվող կոմունիկացիոն ուղիների, ինչպես նաև սոցիալական ցանցերում առկա տեքստերի վերլուծության շնորհիվ։
3․ Վիդեո հարցազրույցի վերլուծություն
![](https://static.tildacdn.com/tild3937-3965-4563-b466-653138633534/Alvarium_Hr_4.jpg)
Ընթացիկ տարում պանդեմիան ստիպեց կազմակերպություններին անցնել հեռավար աշխատանքի, որն ուներ և՛ դրական, և՛ բացասական կողմեր։ Հեռավար աշխատանքը մի շարք մարտահրավերներ ի հայտ բերեց, որոնց հաղթահարումը պահանջում էր նորարարական լուծումներ։ Այսպես, հեռավար հարցազրույցների ժամանակ խնդիր առաջացավ վերլուծել թեկնածուների ուժեղ և թույլ կողմերը, մետածրագրերը, Big Five, Dark Triad և այլն։ Խնդրի լուծման համար կարելի է կիրառել տեսահարցազրույցների գնահատման ավտոմատացված համակարգեր, որոնք թույլ են տալիս «կարդալ» մարդկանց դեմքը և դրա առանձնահատկությունները՝ օգտագործելով հետևյալ հարթակներից մեկը՝
- Faception
- Hire Vue
- VCV – Digital recruitment
- Skillaz
- Intervyo
- Pre-Interview
4․Պրոյեկտիվ թեստեր
![](https://static.tildacdn.com/tild3434-6335-4137-a132-306563313263/Asset_18300x-100.jpg)
Գոյություն ունեն անձնակազմի ընտրության բազմաթիվ հոգեվերլուծական մեթոդներ, որոնց հիմնական նպատակն է ստանալ անձի ամբողջական բնութագիրը։ Նման թեստերի շարքին են դասվում պրոյեկտիվ թեստերը, որոնց ընթացքում թեկնածուն իրեն նույնականացնում կամ չի նույնականացնում ցուցադրված նկարների հետ։ Traitify պրոյեկտիվ թեստի հարթակը հստակ գրաֆիկների տեսքով ներկայացնում է մասնակցի գնահատականը։
Այս բոլոր նորարարական լուծումները և գործիքները դեռևս զարգացման փուլում են և դրանք կիրառելու դեպքում ՄՌԿ մասնագետներին թույլ կտան ոչ միայն ընտրել մասնագետների և համալրել թիմը նոր կադրերով, այլև կօգնեն թեկնածուներին լավագույնս ներկայացնել սեփական գիտելիքները և հմտությունները։